د افغانستان د بشري مرستو له صندوق سره ۱۶ میلیونه ډالره مرسته

دغه سازمان د ایکس (پخواني) ټویټر له لارې له هالنډ څخه مننه کړې چې د ۲۰۲۴ کال لپاره یې د افغانستان له بشري صندق سره ۱۶،۱ میلیون مرسته کړې.د اوچا د شمیرو پر بنسټ، هالنډ چې د افغانستان د بشري مرستو د صندوق دریم لوی ملاتړ کوونکی دی، له ۲۰۱۶ کال راهیسې یې له ۸۹ میلیونو یورو زیاته مرسته کړې ده.

د هالنډ له خوا دا مرسته په داسې حال کې کېږي چې اروپايي ټولنې په دې وروستیو کې د ښځو په تړاو د طالبانو د امر بالمعروف وزارت له امله پر دغې ډلې نوی تحریمونه وضع کړل.

ملګري ملتونه وايي، په افغانستان کې د طالبانو له بیا واکمنۍ او د نړیوالو مرستو له بندېدو وروسته د دغه هېواد کمزوری اقتصاد له سقوط سره مخ شوی دی.د دغه سازمان د شمېرو له مخې شاوخوا ۲۴ میلیونه وګړي، چې د افغانستان د نفوس له نیمايي ډېره برخه جوړوي، بشري مرستو ته اړتیا لري.د بشري مرستو د همغږۍ دفتر ساړه موسم رارسیدو ته په اشارې سره ویلي د افغانستان خلک لا ډیرو مرستو ته اړتیا لري.