د يوه مسافر په گېډه کي يو کيلو کوکاين کشف سوي

د مونشن چارواکو ويلي دي چي دغه ۴۰ کلن سړی د هوايي ډگر د گمرکي کنترول پر وخت وارخطا ښکاريدی او د ځان په هکله يي ضد ونقيض معلومات ورکول.

د دوی په خبره کله چي د گمرک مامورينو د مخدره موادو ازمويني پيل کړې نو وښودل سوه چي د هغه په بدن کي کوکاين دي.

کله چي د گمرک مامورينو له دغه کس سره هيڅ ډول مخدره توکي پيدا نه کړل، نو د اکسريز له پاره روغتون ته واستول سو.

د مونشن د مرکزي گمرک يوه وياند وويل چي »د اسکريز عکسونو د گمرک د چارواکو گومان په حقيقت بدل کړ. د ورځي په جريان کي د هغه له بدن څخه، په طبيعي ډول د کوکاينو۹۷ پوړۍ »کوچني پاکټونه« راووتل.«

دغه قاچاقبر له برازيل څخه راغلي وو او غوښتل يي د مونشن له لاري هسپانيا ته سفر وکړي. د هغه په وړاندي د حبس حکم صادر سوی دی.

(G.P/N.Z(dpa