Германската автоиндустрија е тешка категорија

Што би правеле Германците без својот автомобилски сектор? Индустријата се состои од над 1.300 компании со работна сила од по најмалку 20 луѓе.

Германската автомобилска индустрија обезбедува работни места за околу 828.000 луѓе во земјата. Ова претставува не помалку од 14 насто од работната сила во индустриското производство во земјата.

Во 2016 година, индустријата генерираше продажба во висина од 407 милијарди евра (478 милијарди долари). Околу 63 проценти од таа сума беше добиена од странство.

Поради измамата на Фолксваген со лажирање на податоците за емисијата на штетни гасови во 2015 година, бројот на возила со дизел мотор во Германија е во опаѓање.

Учеството на дизел возилата во новорегистрираните автомобили во Германија опадна под 45 отсто во минатата година, достигнувајќи најниско ниво во последните пет години.

Но, тоа не го погоди вкупното германско производство на патнички автомобили. Тоа веќе три години се движи околу 5,7 милиони единици годишно, за разлика од приближно 4,7 милиони во 1991 година.