АББА: Патувањето продолжува

Минаа 40 години откако Бјорн Улвеус, Бени Андерсон, Агнета Фелтског и Ани-Фрид Лингстад беа заедно во студио. На петти ноември излегува нивниот нов албум „Патување“- „Voyage“. Содржи десет нови песни, од кои две веќе можат да се слушнат. Следната пролет, шведската четворка ќе настапи во Лондон како холограмска проекција. За таа цел, облекоа специјални одела.

Приказната за успехот на АББА започна со песната Ватерло на Песната на Евровизија во Брајтон во 1974 година. Се проценува дека бендот досега продал повеќе од 380 милиони плочи.

Една година пред првото учество на Евровизија, АББА не успеа да мине во Шведска на предизборот со песната „Ринг Ринг“. Дотолку поголема беше радоста следната година. „Ватерло“ ја напиша Бени Андерсон (на сликата лево). Уследија бројни други хитови кои и денес се слушаат на радио, вклучително и „Dancing Queen", „Money, Money, Money", „Super Trouper" и „The Winner Takes it All".

Во 1977 АББА тргна на светска турнеја со концерти во Европа и Австралија. Истата година „ABBA - The Movie“ исто така ја прослави светската премиера во Австралија. Групата подоцна настапуваше и во добротворни цели, на пример на Генералното собрание на ОН во Њујорк во 1979 (на фотографијата). Приходите од песната „Chiquitita" која беше изведена таму до денес оди на сметката на УНИЦЕФ.

Она што започна така хармонично во 70-те, пукна на почетокот на 1980-те. Фрида и Бени се разведоа, а во 1982 групата се раздели или, како што тогаш беше соопштено од бендот- направи „пауза“. Пауза која, на радост на фановите, сега конечно завршува.

Додека Агнета и Фрида продолжија со своите поединечни, сампостојни кариери започнати уште пред бендот, Бени и Бјорн продолжија да работат заедно: го напишаа успешниот мјузикл „Мама Миа!“ по кој беше снимен и филм.

Не постојат многу бендови кои имаат свој музеј. Во Стокхолм, со интерактивна изложба, во 2013 беше отворен „АББА- Музејот“. Таму уште тогаш можеа да се видат 3Д холограмите кои наскоро ќе тргнат на турнеја како „АББАтари“.