Истрели близу израелскиот конзулат во Минхен

Бројни полицајци се во акција во центарот на Минхен во близина на Центарот за документација на националсоцијализмот и израелскиот генерален конзулат. Според полицијата, стрелано е кон сомнително лице, кое е погодено и смртно повредено „Во областа Каролиненплац полициските сили пукале во сомнително лице, кое веројатно носело оружје со себе, лицето било погодено“, напиша полицијата на сервисот за кратки пораки X. Регионот на инцидентот е опколен. Засега нема информации за други можни осомничени или повредени. Првично остана нејасно дали има други повредени. Очевидци известија дека се чуле неколку истрели во областа.

Германската министерка за внатрешни работи Ненси Фезер изјави дека заштитата на израелските институции се највисокиот приоритет по пукањето во центарот на Минхен, кое го опиша како „сериозен инцидент“. Таа е во постојан контакт со службите за итна помош и не сака да шпекулира околу натамошни детали.

Израелското Министерство за надворешни работи соопшти дека ниеден вработен во израелскиот конзулат во Минхен не е повреден. Во Конзулатот се одржувала комеморација по повод атентатот на Олимпијадата во Минхен во 1972 година, поради тоа тој бил затворен.