Можат ли студентите да си дозволат патувања?

Дали студентите можат да си дозволат да патуваат? Прашањето им го поставивме на студенти од Сараево, Босна и Херцеговина, и еве ги нивните одговори:

„Не отидов никаде специјално на патување, бидејќи моите родители треба да ме финансираат. Мислам дека на студентите, особено на оние кои студираат на малку потешки факултети, им е потешко да работат и да студираат истовремено.“

„Пред две години патував во Турција со студентски походи, имаше некои студентски попусти, пристапни студентски цени, тоа се некои организирани патувања. А, освен тоа, некои самостојни патувања, ако малку ми помогнат родителите и малку стипендијата и ако самостојно заработувам по нешто секоја година надвор од државата, некои патувања се остварливи“.

„Досега одев на патувања така што ми плаќаа родителите, и тоа е навистина тешко. Затоа би сакала да работам за да им олеснам барем малку и би сакала да можам да си дозволам нешто со своја заслуга.

„Патувам со родителите и досега родителите ми ги финансираа патувањата. Засега не планирам да се вработам за време на студирањето.“

„Јас се занимавам со дигитален маркетинг и управувам со различни профили на Инстаграм, така што тоа ми овозможува да ги плаќам своите патувања.“

„Јас лично, фала му на Бога, врз основа на моите ангажмани можам да си дозволам да патувам веќе извесно време и за моето семејство.