Една жртва по напад со нож во Ротердам

Едно лице е убиено, а друго тешко рането во холандскиот пристанишен град Ротердам кога напаѓач, извикувајќи Алаху Акбар, нападнал луѓе со нож, јави утринава холандската јавна телевизија НОС.

Осомничениот за синоќешниот напад кај мостот Еразмо е уапсен и пренесен во болница, како и лицето повредено во нападот.
Очевидци рекле на полицијата дека осомничениот извикувал Алаху Акбар.
Портпаролот на полицијата Весел Столе изјави дека сѐ уште не се познати мотивите за нападот.
Според холандскиот дневен весник Де Телеграф, повикувајќи се на сведоци, напаѓачот имал два ножа, а случаен минувач го удрил напаѓачот со два стапа и успеал да му ги оттргне ножевите.
Сведокот рекол дека прво мислел дека се работи за тепачка, но кога се доближил видел дека напаѓачот држел два ножа и со нив ги прободува минувачите.