2020 – најтопла година во Европа

Европската служба за климатски промени, Коперникус од Лондон соопшти дека со 2020 година заврши и досега најтоплата евидентирана декада. Службата Коперникус користи сопствни податоци и други извори како мерењата кои ги вршат метеоролошки станици на земјата, балони, авиони и сателити, кои достигаат до 1950 година. Во Европа 2020 била во просек 1,6 степени Целзиусови потопла отколку годините во периодот од 1981 до 2010 година и за 0,4 степени потопла од досегашната рекордна според температурите 2019 година. Доколку се направи споредба со температурите од прединдустриската ера, лани ланската година била потопла дури за 1,25 степени.