'Yan adawar Kamaru sun hade – DW – 10/06/2018
  1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

'Yan adawar Kamaru sun hade

Muntaqa Ahiwa
October 6, 2018

Sa'o'i gabanin fara kada kuri'a a zaben kasar Kamaru 'yan adawa a sun hade waje guda don ganin sun kwace mulki daga hannun Shugaba Paul Biya.

https://p.dw.com/p/3657u
Kamerun Präsidentschaftswahlen l Maurice Kamto MRC
Hoto: Getty Images/AFP/M. Longari

Wasu jam'iyyun adawa a Kamaru sun sanar da shirin dunkulewa waje guda, don ganin sun kwace mulki daga hannun Shugaba Paul Biya mai ci a babban zaben kasar da za a yi a ranar Lahadi.

Jagoran jam'iyyar FDP Akere Muna, ya janye daga takarar shugabanci da yake yi, don kara wa dan takara a jam'iyyar MRC Maurice Kamto karfin iya tinkarar Shugaba Biya mai shekaru 85.

Sai dai hadakar ba ta hada da dan takaran jam'iyyar SDF ba, wato Joshua Osih.

Ko a jiya Juma'a ma Maurice Kamto na jam'iyyar MRC, ya yi zargin ana tsara wani gagarumin magudi don bai wa Shugaba Biya damar zarcewa kan mulki karo na bakwai a Kamarun.

Jam'iyyar ta ce ana can ana ci gaba da rajistar masu zabe da aktunan boge a wasu wuraren, duk da cewar wa'adin rajistar ya shude.