Takaitacciyar tsagaita wuta za ta fara aiki a Gaza – DW – 06/17/2024
  1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaGabas ta Tsakiya

Takaitacciyar tsagaita wuta za ta fara aiki a Gaza

Muntaqa Ahiwa
June 17, 2024

A Litinin din nan ne takaitacciyar tsagaita wuta ta kowace rana da Isra'ila ta yi alkawari a kudancin Zirin Gaza ke fara aiki, matakin da ke nufin ba da damar isar da kayan agaji da ke makale samun ga wadanda ke bukata.

https://p.dw.com/p/4h7Fc
Wasu a yankin Rafah na kudancin Gaza
Wasu a yankin Rafah na kudancin GazaHoto: Marwan Dawood/Xinhua/IMAGO

Akwai dai dubban daruruwan Falasdinawa da ke cikin hali na neman jinkai a musamman yankin Rafah da ke kudancin Gazar a yanzu, bayan tashin wutar yaki a tsakanin Isra'ila da kungiyar Hamas da ya shiga watanni tara a yanzu.

Yankin da matakin tsagaita wutar a takaice zai shafa, yanki ne mai fadin kilomita 12 a kan hanyar da ta shafi yankin na Rafah, abin da ake ganin ya yi karanci matuka.

Kasashen duniya ne dai suka bukaci hakan ciki har da Amurka da ke babbar kawar Isra'ila.

Dakarun Isra'ila dai sun ce takaitacciyar tsagaita wutar ta kullum za ta fara ne daga karfe takwas na safiya zuwa bakwai na yammaci agogon Gazar, ba tare da kayyade tsawon lokaci ba.